fbpx

This is digital planet.

OPPOTech News

အကောင်းဆုံးသော ဓာတ်ပုံပညာများနဲ့အတူ ဖန်တီးမှုအားကောင်းစွာ ပြန်လည်ရောက်ရှိလာတော့မယ့် OPPO Reno2 Series

ကမ္ဘာ့ရှေ့ဆောင် စမတ်ဖုန်း အမှတ်တံဆိပ်တစ်ခု ဖြစ်တဲ့ OPPO ကနေ အသုံးပြုသူတွေရဲ့ တီထွင်ဖန်တီးနိုင်တဲ့ အစွမ်းတွေကို အဓိပ္ပာယ်ပြန်လည် ဖွင့်ဆိုဖို့အတွက် Reno2 Series အသစ်ကို မကြာခင် မိတ်ဆက်ပေးတော့မှာ ဖြစ်ပါတယ်။ ပိုမိုကောင်းမွန်တဲ့ ဓာတ်ပုံတွေကို ဖန်တီးရိုက်ကူးနိုင်မယ့် 48MP Quad Camera setup၊ 5x Hybrid Zoom နှင့်အတူ 20x Digital Zoom၊ action camera တွေလိုမျိုး ရှင်းလင်းပြတ်သား ချောမွေ့တဲ့ ဗီဒီယိုတွေကို ဖန်တီးနိုင်တဲ့ Ultra Steady Video တို့နဲ့အတူ OPPO Reno2 Series ဟာ မြန်မာပြည်မှာရှိတဲ့ စမတ်ဖုန်းချစ်သူတွေဆီကို မကြာခင် ရောက်ရှိလာတော့မှာ ဖြစ်ပါတယ်။ OPPO Reno2 Series မှာတော့ အတိုင်းအဆမရှိတဲ့ ဖန်တီးမှုတွေကို မတူညီတဲ့ ရှုထောင့်တွေကနေ ပြုလုပ်နိုင်မယ့် OPPO Reno2 နဲ့ Reno2 F ဆိုတဲ့ စမတ်ဖုန်း အမျိုးအစား (၂)မျိုးကို မိတ်ဆက်ပေးသွားမှာ ဖြစ်ပါတယ်။

Reno Series ဆိုတာ

ဖန်တီးမှုအားကောင်းတဲ့ ဒီဇိုင်း၊ စတိုင်ကျတဲ့ အသွင်အပြင်တွေကို အခြေခံထားတဲ့ OPPO Reno Series ကို ဇွန်လ (၁၃)ရက်နေ့က ပထမဆုံး မိတ်ဆက်ပေးခဲ့ပြီး မြန်မာနိုင်ငံမှာရှိတဲ့ စမတ်ဖုန်းချစ်သူတွေရဲ့ သဘောကျနှစ်ခြိုက်မှုကို အထူးရရှိခဲ့ပါတယ်။ OPPO Reno Series ဟာ အိပ်မက်တွေနောက်ကို လိုက်ပြီး ကိုယ်ပိုင်စတိုင်တွေကို ဖော်ထုတ်ချင်ကြတဲ့ လူငယ်တွေအတွက် စတိုင်ကျတဲ့ အသွင်အပြင်တွေနဲ့ ဖန်တီးမှုအားကောင်းတဲ့ ဒီဇိုင်းတွေနဲ့အတူ ထုတ်လုပ်ပေးခဲ့တာဘဲ ဖြစ်ပါတယ်။ မူလ OPPO Reno Series က အသုံးပြုသူတွေရဲ့ စိတ်ကူးစိတ်သန်းတွေကို လွတ်လပ်စွာပျံသန်းခွင့်ပြုခဲ့ပြီး ဖန်တီးနိုင်မှု အဟန့်အတားတွေကို ကျော်ဖြတ်ကာ လုပ်ဆောင်နိုင်စေခဲ့ပါတယ်။ မကြာခင်မိတ်ဆက်ပေးတော့မယ့် OPPO Reno2 Series မှာလည်း ဒီလိုမျိုး ဖန်တီးမှုအားကောင်းတဲ့ ပုံစံတွေနဲ့အတူ ထပ်မံယူဆောင်လာပေးတော့မှာ ဖြစ်ပါတယ်။

“Quad Camera, Zoom into Imagination”

OPPO Myanmar ကနေ မကြာခင်မိတ်ဆက် ပေးသွားတော့မယ့် Reno2 Series မှာ “Quad Camera, Zoom into Imagination” ဆိုတဲ့ဆောင်ပုဒ်နဲ့အညီ စိတ်ကူးစိတ်သန်းတွေကို ဖြန့်ကျက်ကာ စိတ်ကူးဉာဏ်ရှိသလောက် ပုံရိပ်တွေကို နီးနီး ဝေးဝေး၊ လှုပ်ရှားနေတာဘဲ ဖြစ်ဖြစ် ရပ်တန့်နေတဲ့ ပုံရိပ်တွေဘဲ ဖြစ်ဖြစ်၊ နေ့ဘက်ဘဲဖြစ်ဖြစ် ညဘက်ဘဲ ဖြစ်ဖြစ် အကောင်းဆုံးရိုက်ချက်များကို ရိုက်ကူးနိုင်မယ့် Quad Camera ပါဝင်လာမှာ ဖြစ်ပါတယ်။

OPPO Reno2 မှာ စိတ်ကူးထားတဲ့ အရာတွေအားလုံးကို အကြည်လင်ဆုံးသော ပုံရိပ်တွေအဖြစ် ပြောင်းလဲပေးမယ့် 48 Ultra-clear Main Camera၊ ကျယ်ပြန့်တဲ့ ပုံရိပ်တွေကို ဖမ်းယူပေးနိုင်မယ့် 8MP Wide Angle Lens၊ အဝေးကအရာတွေကို အနားမှာရှိနေတဲ့ အရာတွေ အဖြစ် ပြောင်းလဲပေးနိုင်မယ့် 5x Hybrid Zoom နဲ့ 20x Digital Zoom တွေထည့်သွင်းပေးထားတဲ့ 13MP telephoto lens နဲ့အတူ အကောင်းဆုံး portrait ပုံတွေကို ရိုက်ကူးပေးနိုင်မယ့် 2MP mono lens တွေ ပေါင်းစပ်ထားတဲ့ ကင်မရာ (၄)လုံး ပါဝင်လာမှာ ဖြစ်ပါတယ်။

ဒါ့အပြင် OPPO Reno2 နဲ့အတူ Quad Camera Set up ပါဝင်လာမယ့် Reno2 F စမတ်ဖုန်းကိုလည်း မိတ်ဆက်ပေးသွားဦးမှာဖြစ်ပါတယ်။ ဒီလိုမျိုး အကောင်းဆုံးသော ဓာတ်ပုံပညာတွေနဲ့အတူ ဖန်တီးနိုင်မှုစွမ်းအား ကောင်းမွန်စွာနဲ့ OPPO Reno2 Series ဟာ မြန်မာနိုင်ငံဈေးကွက် အတွင်းကို မကြာခင်မှာ ရောက်ရှိလာတော့မှာ ဖြစ်ပါတယ်။